Datums vir 2007

•  KLEIN KAROO NASIONALE KUNSTEFEES
   31 Maart tot 8 April
   www.kknk.co.za
   www.computicket.co.za

LIENKA
2 April 2007 - 12:00
4 April 2007 - 18:00
5 April 2007 - 15:00

60 min.  //  R60  //  MK89 Kango Wijnhuis

Lienka het reeds gewildheid verwerf as die goue stem in die suksesvolle groep ddisselblom. Bygestaan deur ’n volledige akoestiese band, sing sy liedjies vanaf haar nuwe solo-debuutalbum. Hierdie vertoning sal al haar aanhangers se verwagtinge oortref. Maak gereed vir ’n musikale kragtoer.


DDISSELBLOM

31 Maart 2007 - 20:30
1 April 2007 - 12:00
6 April 2007 - 20:30
7 April 2007 - 20:30

80 min. // R60 // MK89 Kango Wijnhuis

Hierdie jaar kan ddisselblom-aanhangers uitsien na ’n baie spesiale vertoning. Nie net ou gunstelinge word gesing nie, maar Lienka se lang verwagte solo-album het die lig gesien en Johrné spog met ’n splinternuwe konsep-komedie-album. Jy gaan hier ’n voorsmakie van albei dié projekte kry, asook van splinternuwe ddisselblom-materiaal wat eers later in die jaar op CD vrygestel gaan word.
 

Maar soos almal weet, bestaan ’n ddisselblom-vertoning nie net uit goeie en oorspronklike musiek nie. Johrné se skreeusnaakse komedie en spontane interaksie met die gehoor sorg ook altyd vir hope vermaak. Hulle is die wenners van twee Kanna-toekennings.